ნატოს გაერთიანებული საზღვაო სარდლობის მეთაური სერ კლაივ ჯონსთოუნი საქართველოს პირველად ეწვია. ნატოს საზღვაო ძალებსა და საქართველოს სანაპირო დაცვას შორის კომუნიკაციის გაძლიერება და შავი ზღვის უსაფრთხოების საკითხებზე განსაკუთრებული ფოკუსირება - ასეთი გახლდათ ვიზიტის მთავარი მიზანი. გაერთიანებული საზღვაო სარდლობის მეთაურმა თბილისში პრესკონფერენციაც გამართა.